文本内容:
教育制度有缺陷莘莘學子要自強高考擒日放榜,一試論成敗,未免有似《殘酷一叮》,不過現有教育制度係咁,莘莘學子惟有全力以赴,做到最好成功者可喜可賀,失敗者亦毋須氣餒,條條大道通羅馬,除本港全日制大學之外,仲有好多升學進修途徑而且,本港今年經濟復甦,搵工唔係咁難,可以先搵份工做,然後根據自己興趣,再選擇心儀科目進修,一樣前途似錦!講到教育制度,今年係首屆接受母語教育學生參加高考,成績差強人意,超過六成科目成績下跌,被視為母語教育「死穴」英文科,整體合格率大跌百分之四,而被視為強項中文科,整體合格率亦微跌百分之一至於考獲符合大學入學資格考生,總體較舊年少一千二百七十七人,減幅達百分之七今年高考成績咁差,教育團體與家長團體就質疑母語教育成效而即使係高考狀元,今年亦都大大縮水,五優狀元只有六個,較舊年少五個,而六優狀元就一個都冇,之所以會咁,就係因為大學提早取錄中六學生拔尖計畫不過,無論教育制度幾差,學習環境艱難,今年高考亦有唔少令人鼓舞好人好事順利天主中學,雖然唔算係乜名校,有個中七學生馬浩然,晚晚留校自修,苦讀到學校閂門都唔願走,感動校工,周時都送湯水畀佢飲結果,浩然勤力有回報,考到五優狀元!...。